A Petrapavula eju mi ricojjisse,
allu pajise meju anticu e bellu,
ar abitare eju mi ne jisse,
‘ntre rutte sutt’a Timpa er u Castellu!

E chilli tempi i primi cristiani,
ccù pichi notte e jurnu hanu scavatu,
nzeme ccù crape, pecore e ccù cani,
rifugiu sutt’a Timpa hanu trovatu.

Finchè a casa u’n s’hanu fravicatu,
ccù cavucia frusciata ntre carcare,
chisà quantu sururi hanu jettatu,
ccù tutte chille petre e carrijare?

A quattru passi c’era la Frischìa,
chi abbunanza e acqua: dui canali!
Facijinu a vucata ccù lissìa,
ci jijinu a abiverare l’animali.

Avijie chilla Timpa n’armonia,
finchè a scala e ferru c’hanu armatu,
chi scempiu alla bon’ura, arrassusìa,
chisà si ncunu si n’è vrigognatu?!

Sutt’u Castellu nui ci simu nati,
c’hamu jocatu e ci simu cresciuti,
subb’u Castellu nui simu njanati,
nu jurnu pije e ni ne simu juti!

A Novajorca er all’Argentina,
‘ntra tuttu u munnu nui simu sciurtuti,
po’ ni ne simu scisi alla marina,
e cà e de là simu tutti fujuti!

U’n c’è rimastu mancu nu porcellu,
‘ntra chille rutte tutte sbalancate,
e tutte e ciagule e subb’u Castellu,
chisà ormai duve su vulate?

Illu è restatu fermu a n’aspettare,
oje o domani nui ni ricojjimu,
a pere, ccù le machine o ntre bare,
lontani er u Castellu u’n ci stapimu.

Castellu mejiu, ti vojju tantu bene,
ti viju già quannu vegnu er u Casinu,
e tutti quanti tu canusci e pene,
e tutti quanti tu si lu distino!

Tratto da:
Nicola Chiarelli, U Castellu, Rossano 2006

Condividi in: